ప్రశాంతంగా ప్రారంభమైన మున్సిపల్ ఎన్నికల ఓట్ల లెక్కింపు

4 కౌంటింగ్ కేంద్రాల్లో పటిష్ట ఏర్పాట్లు – పోలీసులతో భద్రత

కలెక్టరేట్ కంట్రోల్ రూమ్ నుంచి  పర్యవేక్షిస్తున్న జిల్లా కలెక్టర్ కృతిక శుక్ల

పల్నాడు జిల్లాలోని  మున్సిపల్ ఎన్నికల ఓట్ల లెక్కింపు ప్రక్రియ మంగళవారం ఉదయం 8 గంటలకు ప్రశాంత వాతావరణంలో ప్రారంభమైంది. ఎన్నికల సంఘం నిర్దేశించిన మార్గదర్శకాలు, నిబంధనలకు అనుగుణంగా ఓట్ల లెక్కింపు చేపట్టేందుకు జిల్లా యంత్రాంగం అన్ని ఏర్పాట్లు పూర్తి చేసింది.

4 ప్రాంతాల్లో కౌంటింగ్ కేంద్రాల ఏర్పాటుజిల్లాలోని మూడు పట్టణ స్థానిక సంస్థలకు సంబంధించి వేర్వేరు ప్రాంతాల్లో కౌంటింగ్ కేంద్రాలను ఏర్పాటు చేశారు.

4 కేంద్రాల్లోనూ కౌంటింగ్ టేబుళ్లు, అవసరమైన మౌలిక సదుపాయాలు, సిబ్బంది నియామకం, భద్రతా ఏర్పాట్లు చేపట్టారు.

*నిబంధనలు పాటిస్తూ కౌంటింగ్ పూర్తి చేయాలి*

కౌంటింగ్ ప్రక్రియలో ఎలాంటి పొరపాట్లకు తావులేకుండా ఎన్నికల సంఘం మార్గదర్శకాలను కచ్చితంగా పాటించాలని జిల్లా కలెక్టర్ అధికారులను ఆదేశించారు. ప్రతి రౌండ్‌లో ఓట్ల లెక్కింపు, వివరాల నమోదు, ఫలితాల క్రోడీకరణ, ప్రకటన ప్రక్రియలను నిబంధనల ప్రకారం నిర్వహించాలని సూచించారు.కంట్రోల్ రూమ్ లో జిల్లా రెవెన్యూ అధికారి ,ఎన్నికల అధికారులు సిబ్బంది తదితరులు విధులు నిర్వహిస్తున్నారు.