Saturday, 21 November 2026
Header1
BREAKING

శ్రీకాళహస్తి ఆలయంలో భద్రతా వైఫల్యాలపై మంత్రి ఆనం ఆగ్రహం

ప్రచురణకర్త / Publisher: Rajadhani Voice. Desk
📍 శ్రీకాళహస్తి
📅 ప్రచురణ: 13 Nov 2026, 03:42 PM
🔄 నవీకరణ: 18 Nov 2026, 07:58 PM
👁️ 135 views

⭐ Key Highlights / ముఖ్యాంశాలు

అదనపు లడ్డూ పోటులో అగ్నిప్రమాద ఘటనపై క్షేత్రస్థాయిలో పరిశీలన ఆలయాల్లో భక్తుల భద్రత విషయంలో నిర్లక్ష్యం సహించేది లేదు క్లౌడ్ కిచెన్ ఏర్పాటు దిశగా చర్యలు చేపట్టాలని అధికారులకు సూచన ఎన్నికల అనంతరం మరోసారి సమీక్ష నిర్వహించి బాధ్యులపై చర్యలు తీసుకుంటాం
వాయిస్ న్యూస్ రీడర్ (Audio Reader)
వార్తను ఆడియోలో వినడానికి ప్లే చేయండి
వేగం (Speed):
శ్రీకాళహస్తి, నవంబర్ 13
రాజధాని వాయిస్ :

 రాష్ట్ర దేవాదాయ శాఖ మంత్రి ఆనం రామనారాయణరెడ్డి శుక్రవారం తిరుపతి జిల్లా శ్రీకాళహస్తిలోని శ్రీశ్రీశ్రీ జ్ఞానప్రసూనాంబ సమేత శ్రీకాళహస్తీశ్వర స్వామివారిని దర్శించుకున్నారు. ఈ సందర్భంగా దేవస్థానం అధికారులు, అర్చకులు, సిబ్బంది మంత్రికి ఘనస్వాగతం పలికారు. ఆలయ అధికారులు ప్రత్యేక దర్శన ఏర్పాట్లు చేశారు. స్వామివారి దర్శనం అనంతరం వేద పండితులు మంత్రికి వేదాశీర్వచనం అందించి తీర్థప్రసాదాలు అందజేశారు.

1004443200.jpg
Type image caption here...



అనంతరం గురువారం ఆలయంలోని అదనపు లడ్డూ పోటులో షార్ట్ సర్క్యూట్ కారణంగా చోటుచేసుకున్న అగ్నిప్రమాద ఘటన జరిగిన ప్రాంతాన్ని మంత్రి ఆనం రామనారాయణరెడ్డి క్షేత్రస్థాయిలో పరిశీలించారు. ప్రమాదం జరిగిన తీరును, ఘటనకు దారితీసిన పరిస్థితులను, ప్రస్తుతం చేపట్టిన భద్రతా చర్యలను దేవస్థానం అధికారులను అడిగి తెలుసుకున్నారు.

*ఈ సందర్భంగా మంత్రి ఆనం రామనారాయణరెడ్డి మాట్లాడుతూ:*

ఆలయాలకు వచ్చే లక్షలాది మంది భక్తుల భద్రత దేవస్థాన అధికారుల ప్రథమ బాధ్యత అని స్పష్టం చేశారు. భక్తులకు మెరుగైన సౌకర్యాలు కల్పించడంతో పాటు వారి భద్రతకు అత్యంత ప్రాధాన్యత ఇవ్వాలని సూచించారు. అదనపు లడ్డూ పోటులో అగ్నిప్రమాద ఘటన చోటుచేసుకోవడంపై అధికారుల తీరుపై అసంతృప్తి వ్యక్తం చేశారు. ఇలాంటి ఘటనలు జరగకుండా ముందస్తు జాగ్రత్తలు తీసుకోవాల్సిన బాధ్యత అధికారులపై ఉందని స్పష్టం చేశారు.
1004443198.jpg
Type image caption here...



ఆలయాల్లో భద్రత విషయంలో అధికారుల నిర్లక్ష్యాన్ని ఎంతమాత్రం సహించేది లేదని మంత్రి హెచ్చరించారు. భక్తుల పట్ల నిర్లక్ష్యంగా వ్యవహరించినా, భద్రతా ప్రమాణాల అమలులో అలసత్వం ప్రదర్శించినా ఉపేక్షించే ప్రసక్తే లేదని ఆగ్రహం వ్యక్తం చేశారు. ఇటువంటి ఘటనలు పునరావృతమైతే సంబంధిత బాధ్యులపై కఠిన చర్యలు తీసుకుంటామని స్పష్టం చేశారు.ప్రత్యేకించి విద్యుత్ వైరింగ్, విద్యుత్ పరికరాలు, అగ్నిమాపక వ్యవస్థలను పూర్తిస్థాయిలో తనిఖీ చేయాలని ఆదేశించారు. ఆలయంలోని వంటశాలలు, లడ్డూ తయారీ కేంద్రాలు, ప్రసాదాల తయారీ ప్రదేశాల్లో భద్రతా ప్రమాణాలను మరింత పటిష్టం చేయాలని సూచించారు. అగ్నిమాపక పరికరాలు అందుబాటులో ఉండటమే కాకుండా ఎల్లప్పుడూ పనిచేసే స్థితిలో ఉండేలా చూడాలన్నారు.అదేవిధంగా భక్తులకు నాణ్యమైన ప్రసాదాలను సురక్షిత వాతావరణంలో తయారు చేసి అందించేందుకు ఆధునిక సాంకేతిక పరిజ్ఞానంతో కూడిన క్లౌడ్ కిచెన్ విధానాన్ని ఏర్పాటు చేసే అంశాన్ని పరిశీలించి, అవసరమైన చర్యలు చేపట్టాలని అధికారులకు సూచించారు. వంటశాలలు, ప్రసాదాల తయారీ కేంద్రాల నిర్వహణలో పరిశుభ్రత, నాణ్యత, భద్రతకు పెద్దపీట వేయాలన్నారు.
1004443199.jpg
Type image caption here...



ఎన్నికల ప్రక్రియ పూర్తయిన అనంతరం మరోసారి దేవస్థాన అధికారులతో సమగ్ర సమీక్షా సమావేశం నిర్వహిస్తామని మంత్రి తెలిపారు. అగ్నిప్రమాద ఘటనకు దారితీసిన కారణాలు, భద్రతా ఏర్పాట్లలో ఎక్కడైనా లోపాలు ఉన్నాయా అనే అంశాలను పూర్తిస్థాయిలో పరిశీలించి, బాధ్యులుగా తేలిన వారిపై తగిన చర్యలు తీసుకుంటామని స్పష్టం చేశారు.
1004443178.jpg
Type image caption here...


1004443181.jpg
Type image caption here...



భక్తులు ఎంతో విశ్వాసంతో ఆలయాలకు వస్తారని, వారి విశ్వాసానికి భంగం కలగకుండా అధికారులు బాధ్యతాయుతంగా పనిచేయాలని మంత్రి ఆనం రామనారాయణరెడ్డి ఆదేశించారు. భక్తులకు ఎలాంటి అసౌకర్యం, ఇబ్బందులు కలగకుండా అన్ని శాఖల అధికారులు సమన్వయంతో పనిచేయాలని సూచించారు.ఈ కార్యక్రమంలో దేవస్థానం చైర్మన్ మెట్టు సాయికుమార్, కార్యనిర్వహణాధికారి, దేవస్థానం పాలకమండలి సభ్యులు, స్థానిక బీజేపీ నాయకులు కోలా ఆనంద్ , పాలక మండలి సభ్యులు, దేవస్థానం అధికారులు, ఆలయ సిబ్బంది, దేవాదాయ శాఖ అధికారులు తదితరులు పాల్గొన్నారు.

0 Comments

+ Leave a Comment

Be the first to share your thoughts on this story!

Leave a Comment
💬 Join Our Official WhatsApp Channel!
Get instant breaking news alerts, exclusive video updates, and top headlines delivered straight to your phone. Follow us on your favorite platforms!
💬 Follow WhatsApp Channel 📺 Subscribe YouTube 📷 Instagram ✈️ Telegram 🪺 Follow X
Header1