ఆత్మకూరులో ఆనం జోష్.. ఎన్డీఏ కూటమి ఎన్నికల శంఖారావం...

అభిమానుల కేరింతలు.. నాయకుల హర్షధ్వానాల మధ్య అభ్యర్థుల జాబితా విడుదల

ఆత్మకూరు.

ఆత్మకూరు పురపాలక సంఘ ఎన్నికల సమరానికి ఎన్డీఏ కూటమి సమరశంఖం పూరించింది. తెలుగుదేశం పార్టీ, జనసేన, బీజేపీ పార్టీల ఉమ్మడి అభ్యర్థులుగా 28 వార్డుల్లో పోటీ చేయనున్న అభ్యర్థుల జాబితాను రాష్ట్ర దేవాదాయ, ధర్మాదాయ శాఖ మంత్రి ఆనం రామనారాయణరెడ్డి  శనివారం ఆత్మకూరులోని రవితేజ కళ్యాణ మండపంలో నిర్వహించిన భారీ సభలో ప్రకటించారు.

ఎన్డీఏ కూటమి నాయకులు, కార్యకర్తలు, అభిమానులతో రవితేజ కళ్యాణ మండపం కిక్కిరిసిపోయింది. మంత్రి ఆనం రామనారాయణరెడ్డి గారు అభ్యర్థుల పేర్లను ప్రకటిస్తున్న సమయంలో సభా ప్రాంగణం అభిమానుల కేరింతలు, నాయకుల హర్షధ్వానాలతో మారుమోగింది. అభ్యర్థుల ప్రకటనతో కూటమి శ్రేణుల్లో నూతన ఉత్సాహం నెలకొంది.

Type image caption here...

*ఆత్మకూరు సమగ్ర అభివృద్ధే ఎన్డీఏ కూటమి లక్ష్యం*

ఆత్మకూరు పట్టణాన్ని అన్ని రంగాల్లో అభివృద్ధి చేయడమే ప్రధాన లక్ష్యంగా ఎన్డీఏ కూటమి ఎన్నికల బరిలోకి దిగుతోంది. ప్రజలకు మెరుగైన మౌలిక సదుపాయాలు కల్పించడం, పారిశుద్ధ్య నిర్వహణను మెరుగుపరచడం, తాగునీటి సమస్యలకు శాశ్వత పరిష్కారం చూపడం, రహదారులు, వీధి దీపాల సౌకర్యాలను అభివృద్ధి చేయడంతో పాటు ఇరిగేషన్, విద్యుత్, వైద్య, విద్యా, పారిశ్రామిక రంగాలకు ప్రాధాన్యత ఇవ్వాలని కూటమి నాయకులు పేర్కొన్నారు.

ప్రజల ఆకాంక్షలకు అనుగుణంగా అభివృద్ధి, సంక్షేమాన్ని సమన్వయం చేస్తూ ఆత్మకూరును ఆదర్శ పురపాలక సంఘంగా తీర్చిదిద్దడమే తమ లక్ష్యమని కూటమి శ్రేణులు వెల్లడించాయి.

*28 వార్డులకు ఎన్డీఏ అభ్యర్థుల ప్రకటనతో ఆత్మకూరులో ఎన్నికల వేడి*

ఆత్మకూరు పురపాలక సంఘంలోని 28 వార్డులకు ఎన్డీఏ కూటమి అభ్యర్థులను ప్రకటించడంతో పట్టణంలో ఎన్నికల రాజకీయ వాతావరణం మరింత వేడెక్కింది. తెలుగుదేశం పార్టీ, జనసేన, బీజేపీ నాయకులు, కార్యకర్తలు సమన్వయంతో ఎన్నికల ప్రచారానికి సిద్ధమవుతున్నారు.

మంత్రి ఆనం రామనారాయణరెడ్డి సమక్షంలో జరిగిన ఈ అభ్యర్థుల ప్రకటన కార్యక్రమం ఆత్మకూరు పురపాలక ఎన్నికల్లో ఎన్డీఏ కూటమికి కీలక ఘట్టంగా నిలిచింది.